नवी मुंबई/खारघर: इस्कॉनच्या भक्तिवेदांत कॉलेज ऑफ वैदिक एज्युकेशनतर्फे विकसित करण्यात आलेल्या ‘समग्र कर्करोग उपचार पुनर्वसन केंद्र’ म्हणजेच ‘होलिस्टिक कॅन्सर हीलिंग रिट्रीट’ (Holistic Cancer Healing Retreat) चा भव्य उद्घाटन सोहळा आज खारघर येथील इस्कॉन मंदिर परिसरात संपन्न झाला. महाराष्ट्राचे माननीय राज्यपाल जिष्णु देव वर्मा यांच्या शुभहस्ते या केंद्राचे उद्घाटन करण्यात आले.
याच कार्यक्रमादरम्यान, कर्करोग रुग्णांना मानसिक आणि आध्यात्मिक बळ देण्यासाठी प्रसिद्ध संगीतकार शशांक कट्टी यांनी तयार केलेल्या ‘कृष्ण संजीवनी’ या समग्र संगीत उपचार (Holistic Music Therapy) उपक्रमाचे संगीत ट्रॅक्स स्वरूपात राज्यपालांच्या हस्ते लोकार्पण करण्यात आले.
आध्यात्मिक आणि वैद्यकीय उपचारांचा संगम
कर्करोगाच्या रुग्णांना शारीरिक उपचारांसोबतच मानसिक, भावनिक आणि आध्यात्मिक स्वास्थ्याची अत्यंत गरज असते. हेच लक्षात घेऊन इस्कॉनने या पुनर्वसन केंद्राची (Retreat Center) निर्मिती केली आहे. संगीतकार शशांक कट्टी यांची ‘कृष्ण संजीवनी’ म्युझिक थेरपी रुग्णांना या कठीण काळातून बाहेर पडण्यासाठी आणि तणावमुक्त होण्यासाठी मोठी मदत करेल, असा विश्वास यावेळी व्यक्त करण्यात आला.
मान्यवरांची उपस्थिती
या दिमाखदार सोहळ्याला विविध क्षेत्रांतील प्रतिष्ठित मान्यवर उपस्थित होते. यामध्ये:
*डॉ. सूर दास (अध्यक्ष, इस्कॉन मंदिर खारघर)
*रामशेठ ठाकूर (माजी खासदार)
*डॉ. सुनील गायकवाड (माजी खासदार)
*डॉ. वैष्णवांग्री सेवक दास (संचालक, भक्तिवेदांत कॉलेज ऑफ वैदिक एज्युकेशन)
यांच्यासह इस्कॉनचे पदाधिकारी, वैद्यकीय क्षेत्रातील तज्ज्ञ आणि नागरिक मोठ्या संख्येने उपस्थित होते. खारघरमधील या उपक्रमामुळे कर्करोग रुग्णांच्या पुनर्वसनासाठी एक मोठे आणि सकारात्मक पाऊल पडले असल्याचे बोलले जात आहे.
👉 वाचा आणि शेयर करा
👉 व्हॉट्सॲप ग्रुप मध्ये जॉइन व्हा.
👉 नवनवीन आणि ताज्या घडामोडीसाठी साठी वाचत रहा.
An Independent Marathi News Portal.
