Navi Mumbai : मॅट्रिमोनियल साइटवर (Matrimonial Site) भेटलेल्या पुरुषाने नवी मुंबईतील एका महिलेवर बलात्कार (Rape) केल्याची धक्कादायक घटना समोर आली आहे. याप्रकरणी आरोपीविरोधात गुन्हा दाखल करण्यात आला आहे.
वृत्तसंस्थेने दिलेल्या माहितीनुसार, 33 वर्षीय पीडित महिलेच्या तक्रारीच्या आधारे, नवी मुंबई पोलिसांनी सिंगापूरमध्ये राहणार्‍या आरोपीविरुद्ध भारतीय दंड संहिता कलम 376 (2)(एन) (त्याच महिलेवर वारंवार बलात्कार) अंतर्गत गुन्हा नोंदवला आहे.
महिलेने तिच्या तक्रारीत आरोप केला आहे की, डिसेंबर 2020 ते मार्च 2023 दरम्यान नवी मुंबई, मुंबई आणि सिंगापूर येथील लॉज आणि हॉटेल्समध्ये आरोपींनी तिच्यावर अनेक वेळा बलात्कार केला. महिलेची विवाह जुळवणी साइटवर आरोपीशी ओळख झाली आणि त्याने तिच्याशी लग्न करण्याचे आश्वासन देऊन वेगवेगळ्या ठिकाणी तिच्यावर वारंवार बलात्कार केला.
आरोपींनी कथितरित्या महिलेचे फोटो काढले आणि आक्षेपार्ह व्हिडिओ शूट केला. या प्रकरणी कोणालाही अटक करण्यात आलेली नाही. पोलिस या प्रकरणाचा अधिक तपास करत आहेत.
दरम्यान, दुसर्‍या एका घटनेत महाराष्ट्रातील नवी मुंबई पोलिसांनी एका 25 वर्षीय पुरुषाविरुद्ध मोबाईल चॅट ऍप्लिकेशनद्वारे ज्या महिलेशी मैत्री केली होती तिच्याशी बलात्कार आणि धमकी दिल्याप्रकरणी गुन्हा दाखल केला आहे. वृत्तसंस्थेनुसार, बीड जिल्ह्यातील संशयिताने पहिल्यांदा 23 वर्षीय महिलेला भेटण्याचा प्रस्ताव ठेवण्यापूर्वी तिच्याशी चॅटिंग करून तिचा विश्वास संपादन केला.
संशयिताने कथितपणे पनवेलमध्ये राहणाऱ्या महिलेला नाशिक आणि बीड येथील त्याच्या घरी नेले. जिथे त्याने तिच्यावर बलात्कार केला. महिलेने दावा केला आहे की संशयिताने तिच्याशी जबरदस्तीने लग्न केले, तिला मारहाण केली आणि नंतर तिचे फोटो सोशल मीडिया अॅपवर व्हायरल केले.
या वर्षाच्या जून ते ऑगस्ट दरम्यान कथित गुन्हे घडले आहेत. नवी मुंबई पोलिसांनी बुधवारी भारतीय दंड संहितेच्या कलम 376 (बलात्कार) आणि 504 (गुन्हेगारी धमकी) या कलमांखाली गुन्हा दाखल केला. कथित घटना बीडमध्ये घडली असल्याने हे प्रकरण पेठ पोलिस ठाण्यात वर्ग करण्यात आले आहे.
