मुंबई: मुंबईतील प्रसिद्ध आणि नामांकित वडापाव विक्रेत्यांवर नुकतीच अन्न व औषध प्रशासनाकडून (FDA) संयुक्त कारवाई करण्यात आली होती. या धडक कारवाईनंतर आता प्रशासनाने ग्राहकांच्या आरोग्यासाठी आणखी एक मोठे आणि महत्त्वाचे पाऊल उचलले आहे. आयुक्त तुकाराम मुंढे यांच्या मार्गदर्शनाखाली, भारतीय अन्न सुरक्षा आणि मानक प्राधिकरणाने (FSSAI) खाद्यपदार्थांसाठी वर्तमानपत्रांचा (Newspapers) वापर करण्यावर पूर्णपणे बंदी घालण्याचे कडक आदेश जारी केले आहेत.
या आदेशामुळे आता वडापाव, भजी किंवा इतर कोणतेही खाद्यपदार्थ वर्तमानपत्राच्या कागदात गुंडाळून देणे किंवा त्यावर ठेवणे बेकायदेशीर ठरणार आहे.
वर्तमानपत्राचा वापर का आहे धोकादायक?
आयुक्त तुकाराम मुंढे यांच्या मार्गदर्शनाखाली जारी करण्यात आलेल्या या पत्रकात वर्तमानपत्राच्या वापरामुळे होणाऱ्या गंभीर धोक्यांवर बोट ठेवण्यात आले आहे:
शाईमधील विषारी रसायने: वर्तमानपत्राच्या छपाईसाठी वापरली जाणारी शाई खाद्यपदार्थांमध्ये सहज शोषली जाते. या शाईमध्ये ‘बायो-अॅक्टिव्ह’ घटक आणि घातक रसायने असतात, जी शरीरासाठी अत्यंत अपायकारक आहेत.
कॅन्सरचा धोका: वर्तमानपत्राच्या कागदावर गरम खाद्यपदार्थ ठेवल्यास त्यातील शाई पोटात जाऊन कर्करोग (Cancer) आणि पचनाचे गंभीर आजार होण्याचा मोठा धोका असतो.
आरोग्याशी खेळ थांबणार: अनेक छोटे-मोठे विक्रेते तेल शोषून घेण्यासाठी किंवा पॅकिंगसाठी वर्तमानपत्राचा सर्रास वापर करतात, जो ग्राहकांच्या आरोग्यासाठी ‘संतुलित विष’ ठरत आहे.
तुकाराम मुंढे अॅक्शन मोडमध्ये; कडक कारवाईचा इशारा
आपल्या कडक आणि शिस्तबद्ध कारभारासाठी प्रसिद्ध असलेले आयुक्त तुकाराम मुंढे यांनी स्पष्ट केले आहे की, मुंबईतील प्रसिद्ध वडापाव विक्रेत्यांवर झालेल्या कारवाईनंतर खाद्यपदार्थांच्या गुणवत्तेबाबत कोणतीही तडजोड केली जाणार नाही.
एफएसएसएआयने (FSSAI) सर्व हॉटेल चालक, फेरीवाले आणि रस्त्यावरील खाद्यविक्रेत्यांना वर्तमानपत्रांऐवजी अन्नपदार्थांसाठी मान्यताप्राप्त ‘फूड ग्रेड’ कागद किंवा केळीच्या पानांचा वापर करण्याचे निर्देश दिले आहेत. या नियमाचे उल्लंघन करणाऱ्या विक्रेत्यांवर अन्न सुरक्षा कायद्यांतर्गत परवाना रद्द करणे, मोठा दंड ठोकणे आणि फौजदारी गुन्हे दाखल करणे अशी कडक कारवाई केली जाईल, असा कडक इशारा प्रशासनाने दिला आहे.
या निर्णयामुळे मुंबईकरांना आता स्वच्छ आणि सुरक्षित खाद्यपदार्थ मिळण्यास मोठी मदत होणार आहे.
नवनवीन बातम्या, लेख, विशेष माहिती यासाठी युवा प्रभाव न्यूज च्या व्हॉट्स अप ग्रुप मध्ये जॉइन व्हा.
👇👇👇
