भारतीय कुस्ती महासंघाचे अध्यक्ष ब्रिजभूषण शरण सिंग (Brij Bhushan Sharan Singh) यांच्या अडचणी दिवसेंदिवस वाढ होताना दिसत आहे. आता विरोधक कुस्तीपटू (Wrestlers) त्यांच्या विरोधात भारतीय ऑलिम्पिक संघटनेकडे वळले आहेत. बजरंग पुनिया, विनेश फोगट, साक्षी मलिक, रवी दहिया आणि दीपक पुनिया यांनी IOA अध्यक्ष पीटी उषा यांच्याकडे लेखी तक्रार दिली आहे.
तक्रारीत डब्ल्यूएफआयचे अध्यक्ष ब्रिजभूषण सिंग यांच्यावर कुस्तीपटूंनी लैंगिक शोषण आणि मानसिक त्रास दिल्याचा आरोप केले आहेत. यासोबतच डब्ल्यूएफआय अध्यक्षांच्या राजीनाम्याची आणि लैंगिक शोषणाच्या आरोपांची चौकशी समिती स्थापन करण्याची मागणी करण्यात आली आहे. तसेच या तक्रारीत ब्रिजभूषण सिंग यांनी खेळाडूंचा मानसिक छळ केल्याचेही म्हटले आहे.
कुस्तीपटूंना प्रायोजकत्वाचे पैसे दिले जात नाहीत आणि प्रशिक्षक गुणवत्तेच्या आधारावर खेळाडूंची निवड करत नाहीत, असे तक्रारीत म्हटले आहे. ब्रिजभूषण सिंग यांचा राजीनामा घेण्यात यावा आणि या प्रकरणाची चौकशी करण्यासाठी लवकरात लवकर समिती स्थापन करण्यात यावी, अशी मागणी कुस्तीपटूंनी पीटी उषा यांच्याकडे केली आहे.
#Wadhwa #The_Reserves, Panvel – Heirloom Land in a Global Township, it's a chance to own a piece of Mumbai. Size 1200 sq. ft Price ₹69.9 Lacs*+.
Contact us : 91-9833618085#NaviMumbai #RealEstate #realestateinvesting #PLOT #luxury #InternationalAirport #land #RERA pic.twitter.com/UP0F2QSuWa
— Precious Square (@PreciousSqaure) January 20, 2023